«Տերևն ունի ձև, գույն, հոտ… Տերևն ունի արժեք» . նախագիծ
Գեղարվեստի կրտսեր սովորողները՝ կազմակերպված ու պարտաճանաչ…
Սկզբունք. Գեղարվեստի դպրոցում աշխատանքի ծանրն ու թեթևը բաժանում ենք ավագի ու կրտսերի միջև, աշխատում, խորհրդակցում, գովեստի խոսքեր ասում միմյանց, պատմում, սպասում արդյունքների…
Գեղարվեստի կրտսեր դպրոցը կազմակերպված ու պարտաճանաչ իրականացնում է աշխատանքի ի՛ր բաժինը, անպայման պատմում այդ մասին…
Գարնանային լուրեր
Էլի աշխատեցինք, տերևն արդեն շա~տ քիչ կսպասի…
Կրտսեր սովորողները սպասում են, թե երբ իրենց հերթ կհասնի. պայմանավորվել ենք, որ արդեն տեղ-տեղ հավաքած տերևի կույտերն իրե’նք կտեղափոխեն…
Աշխատանքներ «Տերևն ունի արժեք» նախագծով
11-2 դասարանի տղաները բարձր տրամադրությամբ առաջ տարան գործը:
«Տերևն ունի ձև, գույն, հոտ… Տերևն ունի արժեք» նախագծով արդեն աշխատում ենք
«Տերևն ունի ձև, գույն, հոտ… Տերևն ունի արժեք… » նախագծով Գեղարվեստի դպրոցի ավագ սովորողներն արդեն երեք օր աշխատեցին դպրոցի պարտեզում:
Ուրբաթ օրն աշխատեցին պարտեզի դպրոցի մուտքին հարող տարածքում. փորեցին մեծ փոսեր, ուր լցրեցին մոտակա տարածքում թափված չոր տերևները: Աշխատանքը կշարունակվի դպրոցի պարտեզի ամբողջ տարածքում. կաշխատենք փոքր խմբերով:
Կրտսեր սովորողներն աշխատեցին իրենց ղեկավարների հետ` հավաքելով ներքին բակի առատ տերևները:
.
Աշխատանքի համեմատաբար բարդը սկսեցին 12-րդցիներ Հարությունը, Լևոնը, Նարեկը, Երեմը, Հայկը. պարտեզի խորքում մի մե~ծ փոս փորեցին, էլի կմեծացնեն` տերևների մեծ քանակ տեղավորելու, հետո համապատասխան աշխատանք տանելու համար:
Շարունակեցին 11-րդցիներ Հայկն ու Տիգրանը:
Կրկին արձանագրեցի տղաների պատրաստակամությունը. աշխատեցին առանց զլանալու և «ի՞նչ անել և ինչպե՞ս» հարցերի:
«Տերևն ունի ձև, գույն, հոտ… Տերևն ունի արժեք». նախագիծ
Տերևը բույսի արտաքին օրգան է, որի հիմնական ֆունկցիան ֆոտոսինթեզն է։ Ու վե՞րջ…
Ոչ: Տերևը ստեղծում է, նրանով կարելի է ստեղծել, ու մենք կստեղծենք…
Նախագիծը Գեղարվեստի դպրոցինն է:
Կկատարենք աշխատանքի բաժանում. կրտսեր սովորողները փոցխերով կույտ-կույտ կհավաքեն տերևը դպրոցի պարտեզում, ավագ սովորողները կփորեն փոսեր` տեղ-տեղ` փոքր, մի քանի` մեծ, ուր կհավաքվի տերևը: Համոզվելու համար, որ խառնուրդը բավարար խոնավ վիճակում է, ժամանակ առ ժամանակ կթրջենք: Մեծ փոսերում կավելացնենք քիչ գոմաղբ` քայքայման պրոցեսն արագացնելու համար: Կծածկենք հողի շերտով:
Եթե փոսը բացելիս տեսնենք մուգ գույնի, փխրուն համասեռ զանգված, ուրեմն տերևով ստեղծել ենք կոմպոստ:
gayanearaqelyan 