10.04.2015
Ճապոնիայի առափնյա հսկողություն իրականացնող աշխատակիցները Հոկոտա քաղաքի բնակիչների աջակցությամբ հորդառատ անձրեւի պայմաններում օգնում են ափ նետված դելֆիններին։
Ափի երկայնքով 10 կմ-ի վրա ջրից դուրս է նետվել 150 կաթնասուն, որոնցից շատերը ափերին բախվելով՝ ծանր վիրավորվել են, փոխանցում է ՏԱՍՍ-ը։
Անվնաս մնացած դելֆիններին նավերով տեղափոխում են ափից հեռու եւ նորից ջուրը բաց թողնում։ Վիրավորված կենդանիներին տեղափոխում են հատուկ հիվանդանոցներ։
Ճապոնիայում վերջին անգամ դելֆինները զանգվածային կերպով ափ էին նետվել 2011թ. մարտի 5-ին (52 լայնաբերան դելֆին)։