День: 19 апреля, 2015
«Մեր միջավայրը՝ մե՛ր ձեռքերով» նախագիծը` ամեն օր «Գարնանային դպրոց-2015»-ում
Ծառի օր. Գեղարվեստի ավագ դպրոց. նախագիծ
Ապրիլի 22-Ծառի օր
Ծրագիր
- Առավոտյան պարապմունքին «Ծառի օր. համատեղ նախագծի» ներկայացում, նախօրոք բլոգներում, կայքում հրապարակված նյութերի ցուցադրում
- Դպրոցի պարտեզի ծառերի հաշվարկ.
- դասակարգում ըստ տարիքի
- դասակարգում ըստ տեսակի՝ պտղատու և դեկորատիվ
- թփերի հաշվարկ, տեսակներ
պատասխանատու՝ Աշոտ Խաչատրյան
- Մասնակցություն Վարժարանի ընթերցասրահում կայանալիք սեմինարին. ժամը 10:00-ին. պատասխանատու՝ Իրինա Ապոյան
- Գեղարվեստի կրտսեր դպրոցում վարպետության դաս-քննարկման անցկացում. «Ծառ. դերը, կարևորությունը, իմ անելիքը» թեմայով-դասը կանցկացնեն 11-րդցիներ Դավիթ Խալաթյանը, Սուրեն Պողոսյանը, Հայկ Դարբինյանը
- Դպրոցի կից տարածքում 22 ծառի տնկում. պատասխանատուներ՝ Հայկազ Մարգարյան, Արա Թարզյան
Շրջայց Կրթահամալիրի կրթական պարտեզներում
Ավարտվել են Երեւանով հոսող ջրանցքների ու գետերի հուների մաքրման աշխատանքները
18.04.2015
Ապրիլի 15-ին ավարտվել են մայրաքաղաքի վարչական շրջաններով հոսող գետերի ու ջրանցքների հուների մաքրման աշխատանքները: Գործընթացի հիմնական նպատակը գարնանային տեղումների, ինչպես նաեւ բարձրադիր գոտիների ձյան հալոցքի դեպքում հնարավոր հեղեղումներից խուսափելը, ինչպես նաեւ ջրային զանգվածի անխոչընդոտ հոսքն ապահովելն էր:
Երեւանի քաղաքապետարանից հայտնում են, թե մաքրման աշխատանքները կատարվել են նաեւ սանիտարահիգիենիկ նկատառումներով, քանի որ Ողջաբերդ եւ Գետառ գետերում չեզոքացվել է հատկապես ամռան ամիսներին հարակից բնակելի թաղամասերում տհաճ հոտի ու վարակների հնարավոր տարածման հավանականությունը: Կուտակված աղբն ամեն օր հատուկ տեխնիկայով տեղափոխվել է աղբավայրեր: Մաքրման աշխատանքների ավարտին գետերն ու ջրանցքները մաքրաջրվել են ուժեղ ճնշման ջրաշիթերով:
Երեւանի քաղաքապետարանը քաղաքացիներին հորդորում է մաքուր պահել գետերի ու ջրանցքների հարակից տարածքները: Այդ հատվածներում աղբ թափողների լուսանկարները կտեղակայվեն ԶԼՄ-ներում եւ սոցիալական ցանցերում: Բացի այդ, օրինախախտների նկատմամբ կկազմվեն վարչական արձանագրություններ, մեղավորներն անխտիր կտուգանվեն:
2015թ. մարտը 135 տարվա մեջ ամենատաքն էր
18.04.2015
2015թ. մարտը օդերեւութաբանական դիտարկումների պատմության մեջ ամենատաքն է եղել։ Այս մասին տեղեկացնում է ԱՄՆ օվկիանոսի եւ մթնոլորտի ուսումնասիրման ազգային վարչությունը։ Մասնագետները նշել են, որ անցյալ ամիս երկրագնդի վրա միջին ջերմաստիճանը 1880թ.-ից ի վեր ամենաբարձրն է եղել, գրում է «Ինտերֆաքս»-ը։
Մարտին մեր մոլորակի միջին ջերմաստիճանը Ցելսիսուսի սանդղակով 0.85 աստիճանով ավելի բարձր է եղել, քան 20-րդ դարի ընթացքում գրանցված միջին ջերմաստիճանը։
Բացի այդ, սովորականից տաք է եղել ոչ միայն մարտը, այլ նաեւ հունվարն ու փետրվարը։