ՄԱԿ-ի հրապարակած «երջանիկ երկրների» վարկանշում (World Happiness Report) Հայաստանն 158 երկրների շարքում զբաղեցրել է 127-րդ տեղը: Անցած տարի ամենաերջանիկ երկրների ցանկում հայտնվել են Եվրոպական երկրներն, ինչպես նաեւ Կանադան, Ավստրալիան եւ Նոր Զելանդիան:
ՄԱԿ-ի փորձագետների կարծիքով, առաջին տեղը զբաղեցնում է Շվեյցարիան, որին հետեւում է Իսլանդիան, իսկ վերջինիս՝ Դանիան ու Նորվեգիան: Երջանիկ երկրների տասնյակում տեղ են գտել նաեւ Ֆինլանդիան եւ Շվեդիան: ԱՄՆ-ն 51-րդ հորիզոնականում է, Գերմանիան՝ 26, Ռուսաստանը՝ 64: «Երջանկությամբ» Հայաստանի հարեւաններն են Բոսթվանան եւ Ջիբութին, իսկ մեր աշխարհագրական հարեւանները հայտնվել են հետեւյալ տեղերում. Վրաստան՝ 130, Ադրբեջան՝ 80, Թուրքիա՝ 76, Իրան՝ 110:
Ամենադժբախտ երկիր է ճանաչվել աֆրիկյան Տոգո պետությունը՝ 158-րդ տեղ: Հետնապահ են նաեւ Աֆղանստանը, Սիրիան, Բուրունդին, Բենինը, Ռուանդան, Բուրկինա-Ֆասոն, Գվինեան եւ Չադը:
Երկրների երջանկության վերաբերյալ ՄԱԿ-ի զեկույցում հաշվի են առնվում բնակչության մեկ շնչի հաշվով երկրների ՀՆԱ-ն, կյանքի տեւողությունը, քաղաքացիական ազատությունները, կոռուպցիայի մակարդակը, քաղաքացիների բարեսրտությունը եւ առատաձեռնությունը:
gayanearaqelyan 