Գարնանային դպրոցի 3-րդ օրը դպրոցում նախատեսվածից շուտ սկսեցինք «Մեր միջավայրը՝ մե՛ր ձեռքերով» նախագիծն ու երկար աշխատեցինք:
Շարունակեցինք նախորդ օրը սկսած հողի փխրեցման աշխատանքը: Սարգիսն այնպես ամուր ու սրտանց էր մեկնում բահը, խոնավ հողն էլ չէր ըմբոստանում, որ ես ու Իրինան էլ միացանք ու ավարտեցինք օրվա համար նախատեսվածը:
Կատարվեց ընդարձակ տարածքով ձգված վայրի խաղողի էտում: Մուլտիպլիկացիայի ակումբի ղեկավարներ Լևոնը և Արամը իրենց հետ բերել էին անհրաժեշտ գործիքներ, պարոն Մարգարյանն իր ձեռքին ուներ դպրոցինը, աշխատանքն իրականացրին՝ հստակ իմանալով ինչպե՞ս, ինչքա՞ն հարցերի պատասխանները:
Արամն այս ի՞նչ է անում. հետևողականորեն գնում է դեպի հարևան շենքի բաց պատուհա՜նը:)
Ապրեն տղաները…
Տիկին Մանիկը կտրված ճյուղերից ընտրեց առողջները, 12-րդցի Նարեկը դրանք տնկեց դպրոցի մուտքին կից տարածքում:
Դպրոցի ներքին միջավայրն առայժմ այս տեսքով թողեցին Իրինան ու Հասմիկը:
Իսկ գունանկարի լաբորատորիայում շարունակվում են շինարարական աշխատանքները:
Տիկին Սոֆյան, Հայկը, Սարգիսը՝ թատրոնի խմբի տղաների հետ, «Խ. Աբովյան» քառափուլ նախագծի ամփոփման աշխատանքներն ամբողջացրին:
Այս մեծ եռուզեռից հետո կրկին դուրս գանք բակ:
17:00-ի տվյալներով իրավիճակն այսպիսին է.
Առավոտյան կշարունակենք…
gayanearaqelyan 